" قلب قادر " قصيدة جديدة لـ رفيده الطيب

لو قولت اني هوصفك..
هظلم مشاعري وهظلمك
كل القلوب بتدق بس عشان تعيش
وانا قلبي هيعيش... مره واحده
علشان مشاعره تدقلك
دقة طبول الفرح عندي
لما سمعت غنوتك
والضحكة زادت ضحكتين
لما لفتت نظرتك
طب قولي مين يقدر يسامح
قلبي بعد ما زاد غروره بكلمتك
الله يسامح حضرتك
ياللي بحنان وجمال عينيك
زدت قيمة ف دنيتي
رسمتني جنب القمر
نجمه شايفنها البشر
بتزيد ف ضي الكون مرح
كتبتني دوا ف روشته المشتاقيين
بتداوي جرح ال انجرح
انت قلب وجوده وسط قلوبنا نادر
قلب قادر
يرسم الضحكة ف عيونا
بدعي ربي ف كل ثانيه
يملا قلبك بالفرح

 

المصدر : الصباح